Хятад Улсад болох “Ханжоу 2022” Азийн наадам эхлэхэд дөрөв хоногт үлдлээ. Азийн наадам нь хамгийн анх 1951 онд Энэтхэгийн Шинэ Дэли хотод нээлтээ хийж байв. Энэ үеэс одоог хүртэл Азийн наадмын хөтөлбөрт багтсан спортын таван төрөл байдаг нь хөнгөн атлетик, сагсан бөмбөг, хөл бөмбөг, усанд сэлэлт, усны поло аж. "Ханжоу 2022" Азийн наадамд зохион байгуулагч орон болох Хятадын шигшээ 886 тамирчинтай оролцох бол Монголын баг түүхэндээ хамгийн олон буюу 403 тамирчин ур чадвараа сорино.