Монголын хүүхдийн спортын VII наадмын хөгжлийн бэрхшээлтэй хүүхдийн хонхот бөмбөгийн тэмцээн өчигдөр эхэлсэн. Өнөөдөр нэгдсэн дүнгээ гаргах юм. Тус тэмцээнийг 12 шүүгч шүүн ажиллаж байна. Талбайд өрсөлдөж буй хоёр багийн тамирчид 10 минутын хугацаанд тоглож өндөр оноо авсан баг нь ялалт байгуулна.

         Энэ жилийн тэмцээний хувьд тамирчид дүрмийн талаар илүү мэдлэгтэй болсон байгааг зохион байгуулагчид болон шүүгчид онцолж байна. Цаашдаа дасгалжуулагчид сургалт дасгалжуулалтдаа илүү анхаарч, тамирчид тоглолтын арга барил, ур чадвараа илүү сайжруулах хэрэгтэйг зохион байгуулагчид хэллээ.