Хөгжлийн бэрхшээлтэй хүүхдийн спортын тэмцээний пара хөнгөн атлетикийн тэмцээн Налайх дүүргийн хөнгөн атлетикийн олон улсын стандарт бүхий тартан зам дээр явагдаж байна. Энэ удаагийн тэмцээнд хөдөө орон нутгаас Архангай, Дархан-Уул, Булган, Орхон, Төв, Сүхбаатар, Сэлэнгэ, Дундговь, Дорноговь, Дорнод, Хөвсгөл, Хэнтий аймгуудаас баг тамирчид оролцож байгаа бол нийслэлийн найман дүүргийн 50 гаруй тамирчид хурд хүч авхаалж самбаагаа сорин өрсөлдөж байна.

          Тэмцээнд оролцож байгаа тамирчид пар хөнгөн атлетикийн “Т11” ангиллын 200 м, 400 м, “Т12”, “Т13”  ангиллын 200 м, 400 м , “Т37”, “Т38” ангиллын эрэгтэй 100 м, эмэгтэй 200 м,”Т46” ангилалд эрэгтэй, эмэгтэй 400 м “Т53”,”Т54”, “Т56” ангилалд эрэгтэй эмэгтэй 400 м, “F57” ангилалд бөөрөнцөг түлхэлт, “F32” ангилалд модон саваа шидэлтийн төрлүүдэд өрсөлдөж аваргуудаа тодруулж байна.

           Тэмцээний эхний өдөр “Т12” ангилалд Сүхбаатар аймгийн тамирчин Т. Биндэръяа, Э. Ган-Очир нар аваргын алтан медаль хүртлээ. Харин “Т11” ангилалд Б.Дөлгөөн , “Т37”, “Т38” ангилалд О.Энхжин, Б.Хүслэн нар аваргын алтан медаль хүртэж өсөх ирээдүйтэй тамирчид гэдгээ харууллаа. “Т46” төрөлд Д.Батнягт нар аваргын алтан медаль хүртжээ.