“Белград-2023” дэлхийн аварга шалгаруулах тэмцэээн өнөөдөр эхэлнэ. Өнөөдөр манай дөрвөн бөх барилдана.  Эрэгтэйчүүдийн 61 кг-ын жинд ДАШТ-ий хүрэл медальт ОУХМ Нармандахын Наранхүү эхний тойрогт Хойд Македон Улсын тамирчин, өсвөр үеийн Европын аваргын алт, мөнгөн медальт Бесир Алили, Кубын Жосеф Андрес Силва нарын ялсантай хүч үзнэ.

          Мөн 70 кг-ын жинд залуучуудын ДАШТ-ий хүрэл, “U23” хүртэлх насны Азийн аварга ОУХМ Энхтуяагийн Тэмүүлэн, Гүрж Улсын тамирчин “U23” хүртэлх насны дэлхийн аварга Жеоржитой тулна.  Үүнээс гадна 86 кг-ын жинд залуучуудын ДАШТ-ий хошой хүрэл, ААШТ-ий хүрэл медальт ОУХМ Бямбасүрэнгийн Бат-Эрдэнэ, Өмнөд Солонгосын тамирчин Кан Деакютай өрсөлдөнө. Харин 125 кг-ын жинд ДАШТ-ийн мөнгө, хүрэл медальт МУГТ Мөнхтөрийн Лхагвагэрэл, БНХАУ-ын тамирчин ДАШТ-ий мөнгө, хүрэл медальт Дэн Живэйтэй тус тус учраа таарлаа. Барилдаан манай цагаар 16:30 минутаас эхэлнэ.