Хүүхдийн спортын VII наадмын хөгжлийн бэрхшээлтэй хүүхдийн спортын жүдо бөхийн тэмцээн спортын төв ордонд болж өндөрлөлөө. Жүдо бөхийн тэмцээнд Говьсүмбэр, Өвөрхангай, Сүхбаатар, Өмнөговь аймаг болон нийслэлийн шилдгээр шалгарсан жүдо бөхийн тамирчин хүүхдүүд өрсөлдөв.

         Охидын “J1” ангиллын 57 кг-ын жинд Сүхбаатар аймгийн тамирчин Д.Чулуунцэцэг, “J2” ангиллын 57 кг-ын жинд Говьсүмбэр аймгийн таиирчин Г.Бямбасүрэн, “J2” ангиллын 44 кг-ын жинд Говьсүмбэр аймгийн тамирчин О.Халиун нар алтан медаль зүүлээ. Мөн “J2” ангиллын 44 кг-ын жинд Хан-Уул дүүргийн тамирчин Н.Номиулэн мөнгөн медаль хүртлээ.Хөвгүүдээс “J1” ангиллын 66 кг-ын жинд Хан-Уул дүүргийн тамирчин Г.Ганбаяр алтан медаль, Өмнөговь аймгийн тамирчин Д.Ууганбаяр мөнгөн медаль тус тус хүртлээ.

         Харин “J2” ангиллын 66 кг-ын жинд хөвгүүдээс Говьсүмбэр аймгийн тамирчин Э.Тэмүүлэн алтан медаль, Өвөрхангай аймгийн тамирчин З.Мөнхзориг мөнгөн медаль. Хүрэл медалийг Хан-Уул дүүргийн тамирчин Г.Хүслэн нар тус тус хүртэж шагналын тавцанд зогслоо. Монголын хүүхдийн зуны спортын VII наадмын хөгжлийн бэрхшээлтэй хүүхдийн тэмцээн нийт найман төрөлд шилдгүүдээ тодруулж байна.