Чөлөөт, сонгомол бөхийн ДАШТ маргааш эхэлнэ. Энэ удаагийн дэлхийн аварга энэ сарын 16-24-ний өдрүүдэд Серби Улсын Белград хотноо болох юм. “Штарк арена” спортын ордонд өрнөх энэхүү тэмцээнд 100 шахам орны 1023 бөх чөлөөт бөх, сонгомол бөх, эмэгтэй чөлөөт бөхийн 30 жинд өрсөлдөхөөр мэдүүлгээ өгчээ.  “Парис-2024” олимпын 90 эрхийг нийт 18 жинд хүртээх болно.

“Белград-2023”-ын тухайд:

        Олимпын 18 жингийн медальтнууд бүгдээрээ “Парис-2024”-ын эрх биелүүлэхээс гадна 5 байрт шалгарсан хоёр бөх халз барилдаад хэн хожсон нь Парист хүч үзэх боломжтой болно. Олимпын эрхийг тухайн улсын Үндэсний олимпын хороонд олгох бөгөөд хувь тамирчинд олгохгүй.

ДАШТ-ий жингийн чансааг дараах зургаан тэмцээний үр дүнгээр тогтоосон билээ:

          2022 World Championships, Belgrade, 2023 Continental Championships , 2023 1st Ranking Series, Zagreb, 2023 2 nd Ranking Series, Alexandria  2023 3rd Ranking Series, Bishkek 2023, 4th Ranking Series, Budapest.

Бөхчүүдийн мэдүүлэг:

        Өнөөдрийн байдлаар 95 орны 1000 гаруй бөх “Париc-2023” олимпын эрхийн төлөөх анхны тэмцээнд оролцох гэж байна. Сонгомол бөхөөр 2022 оны есөн дэлхийн аварга хүч үзэх гэж байгаа бол чөлөөт, эмэгтэй бөхөөр тус бүр найман аварга мэдүүлэг өгчээ.

ТОО БАРИМТ:

95 орон

1023 бөх

25 дэлхийн аварга (2022 онд түрүүлсэн)

90 олимпын эрх

Анхны хэвлэлийн бага хурал

“Белград-2023” ДАШТ-д зориулсан анхны хэвлэлийн бага хурал өнөөдөр есдүгээр сарын 15-ны 16:30 цагт болохоор хурлын зар тарсан байна. Хуралд оролцох эрхмүүд:

- Ненад Лалович (UWW Дэлхийн бөхийн холбооны ерөнхийлөгч)

- Желко Трайокович (Сербийн бөхийн холбооны ерөнхийлөгч)

- Хассан Яздани (Иран), Олимп дэлхийн аварга

- Дэвид Тэйлор (АНУ), Олимп дэлхийн аварга

- Стеван Мичич (Серби), ДАШТ-ий хүрэл медальт.