Хятадын Ханжоу хотноо 2022 онд зохион байгуулагдах байсан Азийн 19 дүгээр наадам "Ковид-19" цар тахлын улмаас хойшлогдож, энэ оны есдүгээр сарын 19-өөс аравдугаар сарын 8-ны өдрүүдэд зохион байгуулагдахаар болсон билээ.

Азийн наадамд оролцох хөл бөмбөгийн эрэгтэйчүүдийн шигшээ багийн бүрэлдэхүүнийг Монголын хөл бөмбөгийн холбооноос албан ёсоор зарлаж байна.

         Эрэгтэйчүүдийн шигшээ баг "B" хэсэгт Вьетнам, Саудын Араб, Ираны шигшээ багуудтай өрсөлдөнө. Монгол Улс 1998 онд Тайланд Улсад зохиогдсон Азийн наадамд хөл бөмбөгийн төрлөөр анх удаагаа оролцож байснаас 25 жилийн дараа хоёр дахь удаагаа оролцох юм.

Тоглолтын хуваарь:

09.19 16:00 Вьетнам - Монгол

09.21 16:00 Монгол - Саудын Араб

09.24 19:30 Иран - Монгол