“Mas-wrestling” буюу модон таталтын тав дахь удаагийн дэлхийн аварга шалгаруулах тэмцээн Узбекистанд болж байна. Тус ДАШТ-д Өвөрхангай аймгийн хүүхэд залуучууд амжилт арвинтай оролцжээ. Тус тэмцээний өсвөр насны ангилалд Бүрд сумын ЕБС-ийн 11-ийн “А” ангийн сурагч Эрдэнэбаатарын Баттогтох 50 кг жинд хүрэл медаль, Бүрд сумын ЕБС-ийн 10-ын “А” ангийн сурагч Лхагвасүрэнгийн Мөнх-Очир 70 кг-ын жинд хүрэл медаль, Хужирт сумын ЕБС-ийн 11-ийн “А” ангийн сурагч Батбаатарын Гарьд +80 кг-ын жинд мөнгөн медаль. Насанд хүрэгдчийн ангилалд: Агаарын цэргийн 113 дугаар ангийн ахлах ахлагч Цэрэнцогзолын Пүрэвсүрэн 65 кг-ын жинд хүрэл медаль хүртсэн байна.