Азийн зуны биатлоны аварга шалгаруулах тэмцээнээс алт, хүрэл медаль хүртсэн Монгол Улсын Үндэсний шигшээ багийн тамирчин ОУХМ Э.Энхсайханыг өнөөдөр Биеийн тамир, спортын улсын хорооны дарга О.Баттулга хүлээн авч уулзав.

         Тэрбээр Биеийн тамир, спортын улсын хорооны хүндэт жуух гардуулж амжилт хүсэж баяр хүргэлээ. БТСУХ-ны дарга О.Баттулга ОХУХ-ны Э.Энхсайханд цаашид оролцох тэмцээн уралдаан, бэлтгэл цугларалтдаа шамдаж Монгол Улсынхаа төрийн дууллыг олон удаа эгшиглүүлж спорт сонирхогчдоо баярлуулна гэдэгт итгэж найдаж байгаагаа илэрхийлээд цаашид олимпын эрхээ авч өндөр амжилт гаргахыг хүсэн ерөөлөө.