Монгол Улсын сайд, Олимп биеийн тамир спортын үндэсний хорооны дарга Б.Бат-Эрдэнэ, Бүгд найрамдах Чех Улсаас Монгол Улсад суугаа элчин сайд Ян Вытопилтой уулзаж байна. Уулзалтын эхлэлд Монгол Чехийн Засгийн газар хоорондын хамтын ажиллагааны долдугаар хуралдаанаар Монголд битүү дээвэртэй өвлийн спортын ордон байгуулах техник, эдийн засгийн үндэслэлийг БНЧУ-ын “Хөгжлийн сан”-ийн тусламжтайгаар хийлгэх боломжийг эрэлхийлэв.

             Тус үндэсний хорооноос манай улсын нийтийн биеийн тамирын салбарын хөгжлийг чухалчлан үзэж идэвхитэй хөдөлгөөн хийж буй иргэдийн тоо хэмжээ, цар хүрээ, хэлбэр оролцоог нэмэгдүүлэх зорилгоор эрхзүйн шинэчлэлийг санаачлах ажил яригдав

            Спортын анагаах ухаан, хооллолт, арга хэмжээний зохион байгуулалт зэрэг чиглэлээр Чех Улсын томоохон их сургуулиудтай хамтран ажиллах талаар ярилцаж асуудлыг нааштайгаар шийдэх тал дээр ихээхэн анхаарна гэдгээ зочин тал илэрхийлэв.

            Мөн худалдаа, эдийн засаг, шинжлэх ухаан, техникийн хамтын ажиллагааны Монгол, Чехийн засгийн газар хоорондын наймдугаар хуралдааныг 2023 оны арваннэгдүгээр сарын 1-2-ны өдрүүдэд “Улаанбаатар” хотод зохион байгуулахаар Чехийн талтай тохиролцлоо.