Дархан-Уул аймгийн Соёл, урлагийн салбарынхан “Соёл урлагийн ажилтны өдөр”-ийг спортын бага наадмаар эхлүүлж, соёлын салбарын ажиллагсдын чадавхжуулах сургалт, олон нийтийн оролцоот хөтөлбөрүүдээр үргэлжүүлж байна.

         Спортын бага наадмын ерөнхий зохион байгуулагчаар ЕБС, СӨБ-уудын хөгжмийн багш нарын холбоо ажиллаж, 14 байгууллага хамт олон волейбол, сагсан бөмбөг, ширээний теннис, даам, дартс, хөзөр гэсэн зургаан төрлөөр хурд хүч, авхаалж самбаагаа сорин өрсөлдөв.

          Багийн дүнгээр Хонгор сумын Соёлын төвийн баг тамирчид тэргүүлж шилжин явах цомын эзэд болж Хөгжмийн багш нарын холбооны баг тамирчид удааллаа. Харин гуравдугаар байранд Залуучууд театрын баг тамирчид шалгарлаа.