Нийслэлийн хөгжлийн бэрхшээлтэй иргэдийн дунд жил болгон зохион явагддаг тэмцээнийг Хан-Уул дүүргийн Биеийн тамир спортын хороо, Нийслэлийн Засаг Даргын Тамгын Газартай хамтран спортын зургаан төрлөөр явуулж, дөрвөн төрийн бус байгууллагын 70 гаруй хөгжлийн бэрхшээлтэй иргэдийг хамрууллаа.

     Тус тэмцээн нь хөгжлийн бэрхшээлтэй иргэдэд хөдөлгөөний ач тусыг сурталчлан түгээн дэлгэрүүлэх, биеийн тамир, спортын дасгал хөдөлгөөнөөр бие бялдрыг чийрэгжүүлэх, нөхөн сэргээх, өдөр тутмын хэрэглээ болгох, эрүүл хэв маягийг хөгжлийн бэрхшээлтэй иргэдийн дунд төлөвшүүлэх зорилготой явагдсан юм. Тэмцээнд хараа, сонсгол, тулах, хөдлөх эрхтний бэрхшээлтэй болон тэргэнцэртэй иргэд оролцлоо.