ОХУ-ын Екатеринбург хотноо болсон олон улсын оюутны спортын фестиваль өчигдөр орой ЕКСПО төвийн хурлын их танхимд амжилттай явагдаж өндөрлөлөө. Фестиваль спортын 14 төрөлд явагдан 35 орны тамирчид 197 багц медалийн төлөө өрсөлдсөн юм. Улс бүрээ төлөөлсөн 280 их, дээд сургуулийн оюутан тамирчид оролцлоо. Фестивалийн хаалтад ОХУ-ын Уралын холбооны тойрог дахь ерөнхийлөгчийн бүрэн эрхт төлөөлөгч В. Якушев, Спортын тэргүүн дэд сайд А. Кадыров, Свердловск мужийн захирагч Е. Куйбашев нар оролцон үг хэллээ.

            Наадмын шилдэг тамирчны тусгай шагналыг Бразилийн усанд сэлэгч, Сан Паула их сургуулийн оюутан Л. П. Сильва дөрвөн алт, хоёр мөнгө, нэг хүрэл медалийн эзэн болсон амжилтаар хүртлээ. Хаалтын ажиллагааны үер урлаг, соёлын тоглолт, шоу арга хэмжээ болов. Монголын  сагсан бөмбөгийн этэгтэй баг шагналт тавдугаар байрт шалгарлаа. Тэд дөрвөн тоглолт хийж, 1/4 шигшээд шалгарсан. Тоглолтод дунджаар 19.8 оноо авч байв. Нийт 79 оноо авсан статистик үзүүлэлт гарч, 1/4 шигшээд тоглосон багуудаа манлайлсан байна.