Монголын шатрын холбооны ерөнхийлөгч Э.Гурванбаатар үүрэгт ажлаа хүлээлгэн өгөв. МШХ ээлжит их хурал зарлагдсантай холбогдуулан МШХ-ын ерөнхийлөгчийг үүрэгт ажлыг, тэргүүн дэд ерөнхийлөгч Б.Наранбаатар, Ц.Батчулуун нар ээлжит их хурал хүртэл түр орлон гүйцэтгэж байна.

           Энэ хүрээнд есдүгээр сард болох Азийн 19-р наадамд оролцох Монголын баг тамирчдыг өндөр түвшинд бэлтгэн оролцуулах бэлтгэл ажлыг хангах ажлын хэсгийг МШХ-ы тэргүүн дэд ерөнхийлөгч Б.Наранбаатараар ахлуулан байгуулсан бөгөөд өчигдөр ажлын хэсгийн хурал хуралдаж тулгамдсан асуудлуудыг шийдвэрлэлээ.

         Азийн наадмын ажлын хэсэг дараах бүрэлдэхүүнтэй ажиллаж байна: Ажлын хэсгийн ахлагч тэргүүн дэд ерөнхийлөгч Б.Наранбаатар гишүүд, тэргүүн дэд ерөнхийлөгч Ц.Батчулуун, УЗ-ийн нарийн бичгийн дарга Баттүвшин, ЕНБ-ийн дарга Х.Эрдэнэдорж, дэд ерөнхийлөгч А.Энхтуул,

         ҮШБ-ын дасгалжуулагч С.Ган-Од нар ажиллаж байна. Бэлтгэл ажлын хурлаар тамирчдын замын зардлын асуудлыг бүрэн шийдэж билетийн урьдчилгааг төлсөн бөгөөд шаардлагатай санхүүжилтийн 13 сая төгрөгийг Ц.Батчулуун, 14 сая төгрөгийг Б.Наранбаатар нар шийдэж дэмжлэг үзүүлэхээр боллоо.