Энэ өдөр “World masters” тэмцээний хошой аварга, Монгол Улсын гавьяат тамирчин Санжаасүрэнгийн Миарагчаа мэндэлжээ. Тэрбээр дэлхийн шилдгүүдийн оролцдог жүдо бөхийн анхдугаар “World masters” тэмцээнд хэний ч тооцоолоогүй байхад гэнэт тодрон цойлон гарч ирсэн юм. Олимп, дэлхийн медальтай шилдэг бөхчүүдийг ханаруулсаар түрүүлсэн билээ. Жүдо бөхийн мэргэжилтэн, жүдогийн тайлбарлагчид түүнийг “Dangerous Mongolia” хэмээн өөрийн эрхгүй дуу алдан тайлбар хийж байлаа. Харин японы жүдогийн мэргэжилтнүүд түүнийг “Догшин хар азарга” хэмээн нэрийдэж байлаа.

           С.Миарагчаа Өмнөд Солонгосын Сувонд  болсон “World masters” 2010 тэмцээнд түрүүлэхдээ ОХУ-ын шилдэг бөх Европын аварга Alim Gadanov-ыг ялсан. Түүний дор олимпын аварга, ДАШТ-ий мөнгөн медальт, ОХУ-ын алдарт бөх Musa Mogushkov, Францын бөх David Larose нар хүрэл хүрэл медалийг хүртэн зогсож байв.   

           Харин Казахстаны Алмата хотод болсон “World masters” 2012 тэмцээнд түрүүлэхдээ дэлхийн аварга Х.Цагаанбаатар, дэлхийн аварга Японы бөх Morishita Jimpei нарыг цэвэр ялж алтан медаль хүртсэн. Түүний дор дэлхийн аварга Masashi Ebinuma, Morishita Jimpei, Х.Цагаанбаатар гэсэн гурван дэлхийн аварга тамирчин медалийн тавцанд зогсож байлаа.