Азийн боксын холбооноос Монголын боксчдын талаар мэдээлэл оруулсан байна. Тус мэдээлэлд Монгол Улс Азийн наадамд дээд тал нь 13 боксчдыг шалгаруулж оролцоно. Ханжоу Азийн наадмын боксын эхний тэмцээний өдөр есдүгээр сарын 24, финал аравдугаар сарын 3-5-ны өдрүүдэд болно гэжээ.

         Мөн түүнчлэн Монгол Улс 1954-2018 оны хооронд Азийн наадмын боксын төрөлд хоёр алт, зургаан мөнгө, арван таван хүрэл медаль хүртжээ. Монгол Улсын гавьяат тамирчин Доржнямбуугийн Отгондалай, Эрдэнэбатын Цэндбаатар нар Инчон болон Жакартад сүүлийн хоёр наадмын хөнгөн жин 60 кгд түрүүлсэн.

        Монголын эмэгтэй боксчид сүүлийн жилүүдэд хүчтэй өрсөлдөгчид болоод байгаа. Amman 2022 ASBC Азийн Элит боксын аварга шалгаруулах тэмцээнд монголчууд рекорд эвдэн медаль хүртсэн. Тийм болохоор эмэгтэй багийн хүлээлт Hangzhouд маш өндөр байгаа гэсэн байх юм.

          Оюунцэцэгийн Есүгэн  хөнгөн жинд 50 кг-д тулалддаг. Тэр 22 настай Азийн медальтан ододтой өрсөлдөх туршлагатай. Боксын эмэгтэйчүүдийн ДАШТ-ээс Мөнгөнцэцэгийн  Энхжаргал гайхалтай хүрэл медаль хүртсэн. Тэрбээр 54 кг Монгол Улсаа төлөөлөн оролцохоор шалгараад байгаа. Монхорын Намуун 16 настайдаа анхны олон улсын медалиа 2015 онд авч байсан. Тэрбээр найман жил хөдөлмөрлөсний эцэст өдгөө 57 кг-д хүчтэй өрсөлдөх потенциалтай тамирчин болжээ.

            2019 оны ASBC Ази тивийн өсвөрийн боксын аварга шалгаруулах тэмцээнд Төгсжаргалын Номин-Эрдэнэ түрүүлсэн. Тэр өсвөр үеийн ААШТ-ий Монголын анхны эмэгтэй боксчин болж алтан медаль хүртсэн билээ. Тэрбээр 19 насандаа Амман хотод болсон ASBC Азийн Элит боксын аварга шалгаруулах тэмцээнээс санаанд оромгүй мөнгөн медаль хүртсэн юм.

              ASBC Ази тивийн “U22” насны боксын аварга шалгаруулах тэмцээний мөнгөн медальт Мягмарсүрэнгийн Цэцэгдарь. Энэ жил 20 нас хүрсэн ч Ханжоу хотод болох эмэгтэйчүүдийн welterweight 66 кг-д Монгол Улсын төлөө өрсөлдөх эрхээ авсан байгаа. Энхбаатарын Эрдэнэтуяа 75 кг-д шилжсэн бөгөөд эмэгтэй шигшээ багийн хамгийн туршлагатай нэгэн юм.

              Орхонтунгалагийн Өнөболд, Гантөмөрийн Лундаа нар, ASBC Ази тивийн боксын аварга шалгаруулах тэмцээний медальтай  хоёр залуу Хархүүгийн Энх-Амар, Энхмандах ах нарыг орлож, Азийн ахмад дайчин одуудтай 51 кг, 57 кг-д тулалдаж магадгүй юм.

               Баатарсүхийн Чинзориг Ази тивийн аварга, саяхан болсон Боксын ДАШТ-ий мөнгөн медальт учир эрэгтэй багийн хамгийн шилдэг зэвсэг юм. Бямбацогтын Төгөлдөр, Чинзоригийн жинд өнгөрсөн хугацаанд өрсөлдсөн ч тэрбээр 71 кг-д тулалдах болов уу.

             ASBC Ази тивийн залуучуудын аварга шалгаруулах тэмцээн болон залуучуудын ДАШТ-д Ганзоригийн Далай өрсөлдсөн. Боксын УАШТ-д 2014 оноос хойш  олон жилийн хөдөлмөрлөсний эцэст элит түвшинд тулалдах боломжтой боллоо. Боксын залуучуудын ДАШТ-ий өрсөлдсөн Доржийн Бариахаан -92 кг-д, Халигийн Бекнур +92 кг-д  Азийн наадамд Монголын хамгийн хүнд жинд тулалдана гэж мэдээлжээ.