Чөлөөт бөхийн Бүх Японы оюутны аварга шалгаруулах "Univas Cup" тэмцээн боллоо. Тус тэмцээнд энэ жилийн Амманы залуучуудын Азийн аварга шалгаруулах тэмцээний мөнгөн медальт, "Икүвэ" их сургуулийн оюутан Батбаярын Намбардагва 125 кг-ын жинд алтан медалийн эзэн болжээ. Говь-Алтай аймгийн Бугат сумын харьяат улсын начин Дугардоржийн Батбаярын хүү Намбардагва нь өмнө нь Бүх Японы дунд сургуулийн аваргад чөлөөт бөхөөр гурван жил дараалан түрүүлж байсан.