ОХУ-д оюутны фестиваль үргэлжилж байна. Самбо бөхийн тамирчин, Үндэсний БТДС-ийн оюутан Б. Энэбиш нь оюутны спортын фестивалийн 64 кг жинд барилдан, хүрэл медалиа гардан авлаа. Түүний жинд 16 бөх дөрвөн хэсэгт хуваагдан барилдсанаас ОХУ болон Азербайжаны бөхчүүд медальд хүрлээ. Тэрбээр энэ жинд түрүүлсэн В.Саргсианд оноогоор хожигдсон юм. Б. Энэбиш эхний даваанд Оросын Н. Лукианчукийг, удаад нь Азербайжаны Е. Багхировыг хожсон. Хүрэл медалийн төлөө ОХУ-ын бөх П. Силантевийг хожсон байна.