ОХУ-ын Якутын гавьяат дасгалжуулагч Дмитрий Петрович Коркины 95 насны ойд зориулсан чөлөөт бөхийн тэмцээн есдүгээр сарын 3-ны өдөо Якутын Чурапча тосгонд явагдана. Тэмцээнд Монгол, Якутын шигшээ баг халз барилдах юм.

         Якутын шигшээ баг: ДАШТ болон, Европын аварга шалгаруулах тэмцээний медальт Петр Копылов болон ОХУ-ын АШТ-ий медальт Дархан Игнатьев нар 57 кг-д, Александр Авелов, Алс Дорнодын аварга Артем Слепцов нар 61 кг-д барилдана.

        Поддубный мэргэжлийн лигийн мөнгөн медальт, Ярыгиний тэмцээний хүрэл медальт, “Байгаль” нээлттэй тэмцээний аварга Константин Капрынов 70 кг-д, ОХУ-ын аварга Станислав Свинобоев, Алс Дорнодын аварга, ОХУ-ын оюутны АШТ-ий медальт Никита Софронов 92 кг-д хүч үзнэ.

          Монголын шигшээ баг: Залуучуудын ДАШТ-ий хүрэл медальт, Иван Ярыгиний тэмцээний хүрэл медальт Н.Насанбуян, УАШТ-ий медальт Г.Болор-Эрдэнэ нар 57 кг-д барилдана. Азийн АШТ-ий хүрэл медальт П.Дашцэрэн залуучуудын УАШТ-ий медальт Б.Зэнэмэдэр нар 61 кг-д хүч сорино. УАШТ-ий хүрэл медальт Т.Өглөөжаргал 70 кг-д, Б.Батбаяр 74 кг-д, Д.Оргилох 92 кг-д тус тус барилдана.