Жюү жицү бөхийн дэлхийн аварга шалгаруулах” U16”, “U18”, “U21” тэмцээн Казахстаны Астана хотод энэ сарын 20-нд эхэлсэн. Жюү жицүгийн “JJIF” холбооны буюу бүсний ангилалгүй зохиогдож буй тэмцээнд дэлхийн 40 гаруй орны 1500 орчим тамирчид өрсөлдөж байгаа. Монгол Улсаас Б.Ариунцог, Ө.Эрдэнэбаатар дасгалжуулагчтай 40 тамирчин Астанаг зорьсон. Дэлхийн аваргын 16 хүртэлх насны ангилалд хөвгүүдийн -73 кг-ын жинд Б.Бат-эрдэнэ мөнгө, -50 кг-ын жинд Б.Билгүүнтэй, -60 кг-ын жинд Т.Мөнхдөл нар хүрэл медаль хүртсэн юм.

            Өнөөдөр эрэгтэйчүүдийн “U21”  хүртэлх насны ангилалд манай улсаас 16 тамирчин дэвжээнд гарсан бөгөөд Энхбаярын Сумьяабэйс хүрэл медаль хүртлээ. Сумъяа эхний тойрогт Канадын жюү жицүч Марин Жэймсийг ялж, дараагийн тойрогт АНЭУ-ын тамирчин Алсувайди Омарт ялагдаж, улмаар Израилын тамирчин Вачтелл Баракийг, торгуулийн барилдаанд Өмнөд Солонгосын Ким Сеон Минийг ялснаар медалийн төлөө өрсөлдхөөр болсон. Хүрэл медалийн төлөө манай тамирчин Киргизстаны бөх Урмак Илиазбек Улуг ялснаар хүрэл медалийн болзол хангасан байна.