Хорват Улсын Загреб хотод жүдо бөхийн өсвөр үеийн ДАШТ болж байна. Энэ удаагийн дэлхийн аваргад  64 орны 316 хөвгүүн, 260 охин нийт 576 тамирчин зодоглож байна. Охидын 44 кг-д залуучуудын Зүүн Азийн наадмын аварга Т.Отгонжаргал эхний хоёр тойрогт Испанийн Гарсиа Санчесыг 38 секундэд, Солонгосын Мүүн Гавиныг 2 минут 28 секундэд ялсан.

            Хэсгийн аваргын төлөөх барилдаанд Колумбын М.Креспог 2 минут 34 секундэд иппон буулгав. Хагас шигшээд Туркийн Б.Догруйолыг зургаан минут 11 секундэд гурван торгуулиар цэвэр ялжээ. Улмаар аваргын төлөөх барилдаанд Бразилын К.Рибейрод 1 минут 58 секундэд цэвэр ялагдсанаар үзүүрлэлээ.