Монголын бүжгийн спортын холбоо, Хятадын бүжгийн спортын холбоо хамтран "ACTIVATION-IV" дасгалжуулалтын кэмпийг зохион байгуулж байна. Энэ удаагийн ээлжит дасгалжуулалтын кэмпээр Хятадын дасгалжуулагчдын бүрэлдэхүүн хүрэлцэн ирж латин бүжгийн үндэс болон ахисан шатны хореографи гэсэн хоёр бүлэг хичээлийг удирдах юм.

   Дасгалжуулалтын кэмпийн ерөнхий дасгалжуулагчаар “WDSF”-ийн “A” зэрэглэлийн ба мэргэжлийн хэлтсийн шүүгч, Хятадын бүжгийн спортын холбооны шүүгч, Хятадын бүжгийн спортын холбооны залуучуудын хөгжлийн хорооны орлогч захирал, Хятадын бүжгийн спортын холбооны залуучуудын шигшээ багийн ерөнхий дасгалжуулагч, латин бүжгийн топ мэргэжилтэн Jack Hu гардан ажиллаж байна.

   Өөрийн улсдаа төдийгүй олон улсад нэр хүндтэй тэрээр Монгол Улсад хүрэлцэн ирж, шинэ улс, шинэ туршлага, шинэ хүрээлэлд өөрийн мэдлэг чадвараа хуваалцаж байгаадаа таатай байгаагаа илэрхийллээ. Дасгалжуулалтын кэмп дахин хоёр өдөр үргэлжилнэ.