Монгол улсын нийслэл Улаанбаатар хотноо явагдаж буй Зүүн Азийн залуучуудын спортын наадмын хөл бөмбөгийн тэмцээний эрэгтэйчүүдийн тоглолтууд МХБХ-ны талбайд явагдаж Тайванийн баг аваргын алтан медалийн болзол хангалаа. Тэд Хонконгийн багийг 8:0-ээр илт давуу буулган авч, Зүүн Азийн залуучуудын спортын наадмын хөлбөмбөгийн тэмцээнд нэг ч хожигдолгүй 100 хувийн амжилт үзүүлж, аваргаар шалгарлаа.

             Харин тэдэнд хожигдсон Хонконгийн баг гурав тоглож, Монгол, Макаогийн багуудыг хожсоноор зургаан оноотойгоор мөнгөн медалийн болзол хангасан. Харин хүрэл медалийн төлөөх шийдвэрлэх тоглолтыг Монголын шигшээ баг Макаогийн багтай 17 цагт МХБХ-ны ногоон талбайд хийнэ.