“Улаанбаатар-2023” Зүүн Азийн залуучуудын наадмын чөлөөт бөхийн тэмцээний хоёр дахь өдрийн урдчилсан барилдаан үргэлжлэн явагдаж байна. Өнөөдөр эмэгтэйчүүдийн 65 кг-ын жинд өрсөлдөж байгаа Япон Улсын тамирчин Чисато Ёшида Олимпын гурван алт, нэг мөнгө, Дэлхийн 13 удаагийн аварга домогт Саори Ёшидагийн төрсөн ахынх нь ууган охин ажээ.

          Тэрбээр энэ оны найдугаар сарын 3-нд Туркийн Станбулд болсон 17 хүртэлх насны ДАШТ-ий алтан медаль хүртсэн. Шинэхэн дэлхийн аварга “Улаанбаатар-2023” Зүүн Азийн залуучуудын наадмын дэвжээнд өрсөлдөж байна. Домогт эгчийнхээ үргэлжлэл болсон тэрбээр аль хэдийнээ дэлхийд танигдаад эхэлжээ. Тэр түрүүлэх зорилготой иржээ.