Өмнөд Солонгос Улсад зохион байгуулагдсан пара таэквондогийн “G-4” ангиллын тэмцээн болжээ. Тус тэмцээний эрэгтэйчүүдийн -58 кг-ын жинд эх орноо төлөөлж өрсөлдсөн Баян-Өлгий аймгийн харьяат, Монгол Улсын пара таэквондогийн шигшээ багийн тамирчин Х.Темирбек түрүүлж, Монгол Улсын төрийн дууллыг эгшиглүүлж, алтан соёмбот далбаагаа Солонгос Улсын тэнгэрт мандуулсан байна.

         Х.Темирбек нь өнгөрсөн онд тус улсын Жэжү хотноо зохион байгуулагдсан тэмцээнээс мөн аваргын алтан медаль хүртэж байсан. Энэ жил Австрал Улсын Брисбэн хотноо долдугаар сарын 6-9-ний өдрүүдэд зохион байгуулагдсан пара таэквондогийн “G-2” ангиллын тэмцээнээс мөн алтан медаль хүртэж байсан юм.