Зүүн Азийн залуучуудын наадмын хөнгөн атлетикийн тэмцээн өчигдөр Налайх дүүрэг дэх хөнгөний талбайд эхэллээ. Нийт 22 багц медаль олгох хөнгөн атлетикийн тэмцээнд долоон ҮОХ-ны 106 тамирчин өрсөлдөж байгаа юм. Тэмцээний эхний өдөр эрэгтэй гурвын харайлт, эрэгтэй, эмэгтэй 800 м, эмэгтэй уртын харайлт, эрэгтэй зээрэнцэг шидэлт, эрэгтэй, эмэгтэй 100м-ийн финалууд болж, долоон багц медаль эздэдээ очлоо.

         Энэ өдөр БНХАУ-ын тамирчид долоон төрлийн дөрөвт нь түрүүлж, нийт 11 медаль авав. Урд хөршийн тамирчид эрэгтэй 100м, эрэгтэй 800м, эмэгтэй гурвын харайлт болон эрэгтэй зээрэнцэг шидэлтэд түрүүлсэн юм. Тайванийн баг нэг алт, нэг мөнгө, хоёр хүрэл медаль хүртсэн бол Япон нэг алт, нэг мөнгө, Хонконг нэг алт, хоёр хүрэл, БНСУ-ын тамирчид нэг хүрэл медаль хүртсэн байна.

           Медаль хүртсэн тамирчдын шагналыг МҮОХ-ны тэргүүн дэд ерөнхийлөгч, Зүүн Азийн залуучуудын наадмын Монголын багийн ахлагч Ч.Наранбаатар гардуулан өглөө. Өнөөдөр хөнгөний талбайд эмэгтэй гурвын харайлт, эрэгтэй, эмэгтэй 3000м, эрэгтэй, эмэгтэй бөөрөнцөг түлхэлт болон эрэгтэй, эмэгтэй 400 м-ийн финалууд болно.