Хорват Улсад жүдо бөхийн Загребын гран при тэмцээн болж байна. Энэ удаагийн гран при тэмцээн наймдугаар сарын 18-20-ны өдрүүдэд болж байгаа өнөөдөр өндөрлөнө. Тус тэмцээнд 83 орны эрэгтэй 317, эмэгтэй 213, нийт 530 гаруй тамирчин өрсөлдөж байна. Манай улсаас эмэгтэйчүүдийн 63, -78 кг-ын жинд ОУХМ М.Ичинхорлоо, ОУХМ О.Хүслэн, эрэгтэйчүүдийн 81, 90 кг-ын жинд  ОУХМ Г.Болор-Очир, ОУХМ Г.Алтанбагана нар хүч сориж байгаа юм. Өнөөдөр тэмцээний сүүлийн өдрийн барилдаан “Алдар” спорт хорооны тамирчин ОУХМ Гантулгын Алтанбагана барилдаж байна. Тэрбээр нэгдүгээр тойрогт  Австрийн Adam Borchashvilli-г ялжээ. Хоёрдугаар тойргийн барилдаанд Испанийн Tristani Mosakhlishvili-г ялсан байна. Гуравдугаар тойрогт АНУ-ын Alexander Knauf-тай барилдана. Түүнийг ялах юм бол “В” хэсгийн аваргын төлөө барилдана.