Хойд Солонгосоос гаралтай “ITF” таэквондогийн  дэлхийн аварга шалгаруулах тэмцээн Казахстан Улсад болох гэж байна. Дэлхийн аваргын өмнө Азийн таэквон-догийн холбооны Их хурал болж Монгол Улсаас холбооны ерөнхийлөгч Э.Галбадрал, тэргүүн дэд ерөнхийлөгч Д.Гантулга, Д.Чулуундорж, ЕНБ-ийн дарга Б.Мөнх-Оргил нар оролцлоо. Тус хурлаар Азийн таэквондогийн холбооны удирдлагын бүтэц, шинээр гишүүн холбоодыг элсүүлэх болон 2024 оны Ази тивийн аварга шалгаруулах тэмцээн болох орныг сонгон шалгарууллаа. Өнөөдөр буюу 2023 оны наймдугаар сарын 20-ны өдөр Таэквондогийн дэлхийн холбооны 28 дугаар их хурал болно.