Дэлхийн чансааны оноо олгох "Дархан Спрайт 3х3 2023" тэмцээн энэ жил 18 дахь жилдээ Дархан-Уул аймагт зохион байгуулагдаж, 480 гаруй тамирчин оролцож байна. Дархан хотын "Миний Монголын цэцэрлэгт хүрээлэн" дэх "Дархан-60" цогцолборт шинээр байгуулагдсан 3х3 сагсны гурван талбайд энэ сарын 19-20-ны өдрүүдэд болж буй тэмцээнд тамирчид:

U13-14,

U15-16,

U17-18 насны төрөлд өрсөлдөж байгаа.

Сагсан бөмбөг сонирхогч хүүхэд залуус Улаанбаатар хот болон Орхон, Сэлэнгэ, Говьсүмбэр зэрэг аймгуудаас хүрэлцэн иржээ. Тэмцээнийг Монголын 3x3 сагсан бөмбөгийн холбоо зохион байгуулж байгаа бол дэмжигчээр УИХ-ын гишүүн Гонгорын Дамдиннямын ажлын алба ажиллаж байна. Тэмцээн өнөөдөр өндөрлөнө.