Зүүн Азийн залуучуудын спортын наадмын “E-SPORT” төрлийн шигшээ тоглолтууд Соёлын төв өргөөнд явагдаж өндөрлөлөө. “E-SPORT”-ын тэмцээн “VR TENNIS” болон” King OF FIGHTERS” гэсэн хоёр төрлөөр явагдсан. Тэмцээний “VR TENNIS” төрөлд аваргын алтан медалийг Тайванийн тамирчин Кай Чен Цай хүртлээ. Мөнгөн медалийг Чи Хао Чен хүртсэн бол хүрэл медалийг Монгол Улсын тамирчин Д.Мандах хүртжээ.

            Харин “KING OF FIGHTERS” төрөлд Монгол, Япон, Хятадын Хонконгийн тамирчид өрсөлдөв. Хүрэл медалийн төлөө Монгол Улсын тамирчин Ж.Батсаруул Японы тамирчин Харүки Арай нар өрсөлдөж, япон тамирчин хожиж, хүрэл медалийн болзол хангалаа. Аваргын алтан медалийн төлөө Монгол Улсын тамирчин Б.Мандахнаран Япон Улсын тамирчин Рикү Сайто нар өрсөлдөж, Японы тамирчин илт давуу ялалт байгуулж, Зүүн Азийн залуучуудын спортын наадмын “E-SPORT” тэмцээний “KING OF FIGHTERS” төрлийн аварга боллоо. Б.Мандахнаран мөнгөн медалийн эзэн болов.

“VR TENNIS”

1. КАЙ-ЧЭНГ ЦАЙ Хятадын Тайвань

2. ЧИ-ХАО ЧЭНГ Хятадын Тайвань

3. Д.Мандах Монгол

“KING OF FIGHTERS”

1. Рикү Сайто Япон

2. Б.Мандахнаран Монгол

3. Харүки Арай Япон