Монгол Улсын нийслэл Улаанбаатар хотноо явагдаж буй "Улаанбаатар 2023" Зүүн Азийн залуучуудын спортын наадмын хөл бөмбөгийн тэмцээний эмэгтэйчүүдийн хоёрдугаар тойргийн тоглолтууд өчигдөр болж дууслаа. Өчигдрийн эхний тоглолтод Өмнөд Солонгосын баг Хятадын багтай тоглож өрсөлдөгчөө 2:0-ээр буулган авсан.

         Дараагийн тоглолтод Монгол болон Хонконгийн багууд өрсөлдлөө. Эхний үе 1:2-ын харьцаатай өндөрлөсөн. Монголын багийн эхний гоолыг “9” дугаартай тоглогч Б.Нандин-Эрдэнэ орууллаа. Хоёрдугаар үед манай баг нэмж гурван гоол хаалгандаа алдсанаар 5:1-ээр ялагдав. Ийнхүү манай баг хоёр ялагдалтай болоод байна.