Монгол Улсын Ерөнхийлөгчийн ивээл дор зохион байгуулагддаг 21 аймгийн аварга шалгаруулах тэмцээн есөн өдрийн турш Дархан хотноо болж 15 аймгийн шигшээ багийн 300 гаруй тамирчин хурд хүчээ сорин өрсөлдөж амжилттай өндөрлөлөө.

         Нэгдүгээр шатанд: Аварга багаар: С.Өсөхбаяр дасгалжуулагчтай Сүхбаатар аймгийн шигшээ баг шалгарсан. Мөнгөн медалийг Б.Энхболд дасгалжуулагчтай Хөвсгөл аймгийн баг, хүрэл медалийг Ч.Батзангиа дасгалжуулагчтай Дорноговь аймгийн баг хүртэв.

         Харин дээд шатанд: Аварга багаар: П.Буянхишиг дасгалжуулагчтай Увс аймгийн шигшээ багийн тамирчид алтан медаль авлаа. Мөнгөн медалийг С.Жаргалсайхан дасгалжуулагчтай Дархан-Уул аймгийн баг, хүрэл медалийг М.Сэргэлэн дасгалжуулагчтай Орхон аймгийн баг хүртэв

Нэгдүгээр шатны тэмцээний шилдгүүд:

“Шилдэг хаалгач” Дорноговь аймаг Алтансоёмбо

“Шилдэг Хамгаалагч” Сүхбаатар аймаг Удаммөнх

“Шилдэг хагас хамгаалагч” Хөвсгөл аймаг Хатанзориг

“Шилдэг довтлогч” Дорноговь аймаг Баяржаргал

Дээд шатны тэмцээний шилдгүүд:

“Шилдэг хаалгач” Увс аймаг Дашням

“Шилдэг хамгаалагч” Дархан-Уул аймаг Лхагвасүрэн

“Шилдэг хагас хамгаалагч” Орхон аймаг Энхтөр

“Шилдэг довтлогч” Увс аймаг Төрмөнх нар хүртсэн.

Шагналыг МХБХ-ны дэд ерөнхийлөгч, Дархан-Уул аймгийн Хөл бөмбөгийн холбооны нарийн бичгийн дарга С.Жаргалсайхан, МХБХ-ны ерөнхий нарийн бичгийн дарга Т.Дагвадорж,  Дархан-Уул аймгийн ИТХ-ын дарга С.Насанбат, ТЗУХ-ийн дарга Ч.Чагнаадарж, БТСГ-ын дарга Х.Батбаяр нар гардуулан өгч баяр хүргэлээ.