"Улаанбаатар-2023" Зүүн Азийн залуучуудын наадмын сагсанбөмбөгийн тэмцээн өнөөдөр 15:00 цагаас "UG Arena"-д эхэлнэ. Тэмцээнд эрэгтэй  тав, эмэгтэй гурван улсын баг өрсөлдөх юм. Монгол Улсын эрэгтэй шигшээ багийн бүрэлдэхүүний онцлох тоглогчоор С. Ган-Эрдэнийг нэрлэж байна. Тэрбээр АНУ-ын Мичиган мужийн ахлах сургуульд суралцдаг, одоо 16 настай 211 см өндөр, 110 кг жинтэй. Өнгөрсөн улиралд АНУ-ын “Flyght academy prep” сагсан бөмбөгийн академиас урилга авч, амжилттай тогложээ. Тэрбээр энэ зун сурагчдын зуны лигт "Midwest basketball” клубээс тоглож дуусаад, эх орондоо ирээд байна. Тус клубт өмнө нь манай Ш.Энхийн-Од, Г.Дөлгөөн нар тоглож байсан билээ.