"Улаанбаатар-2023" Зүүн Азийн залуучуудын спортын наадмын жүдо бөхийн хоёр дахь өдрийн барилдаан өчигдөр болсон. Охидын 63 кг-ын жинд "Гүрү дожо" клубийн тамирчин Хүрэлчулууны Маралмаа хүрэл медалийг авчирлаа. Тэрбээр хүрэл медалийн төлөөх барилдаанд БНХАУ-ын бөхийг торгуулиар ялсан байна. Х.Маралмаа энэ жил Казахстан, Макао, Хонгконгод болсон IJF-гийн өсвөр үе, залуучуудын олон улсын тэмцээнээс хоёр алт, нэг мөнгө, хоёр хүрэл медаль хүртсэн өсөх ирээдүйтэй залуу тамирчин юм.