Хорват Улсад жүдо бөхийн Загребын гран при тэмцээн маргааш эхэлнэ. Энэ удаагийн гран при тэмцээн наймдугаар сарын 18-20-ны өдрүүдэд болно. Тус тэмцээнд 83 орны эрэгтэй 317, эмэгтэй 213, нийт 530 гаруй тамирчин өрсөлдөнө. Манай улсаас эмэгтэйчүүдийн 63, -78 кг-ын жинд ОУХМ М.Ичинхорлоо, ОУХМ О.Хүслэн, эрэгтэйчүүдийн 81, 90 кг-ын жинд  ОУХМ Г.Болор-Очир, ОУХМ Г.Алтанбагана нар хүч сорино.

    М.Ичинхорлоо жин өгсөн 63 кг-ын жингийн “А” хэсгийн нэгдүгээр тойрогт амаргүй өрсөлдөгч Английн Lucy Renshall-тай барилдана. О.Хүслэн -78 кг-ын жингийн “D” хэсгийн нэгдүгээр тойрогт Бразилийн Karol Dimenes-тэй барилдах юм. Харин эрэгтэйчүүдийн 81 кг-ын жингийн “С” хэсгийн нэгдүгээр тойрогт Г.Болор-Очир хийлж, гоц мөргөн ялалт авсан байгаа. Тэрбээр хоёрдугаар тойрогт Бахрейн, Испанийн бөхчүүдийн хэн ялсантай таарна.  90 кг-ын жингийн “В” хэсгийн нэгдүгээр тойрогт Г.Алтанбагана, Австрийн бөх Adam Borchashvili-тай хүч үзнэ.