"Улаанбаатар-2023” Зүүн Азийн залуучуудын наадмын волейболын тэмцээн өнөөдөр эхэлнэ. Монгол Улсад анх удаа зохиогдож байгаа тус наадмын волейболын спортын төрөлд эрэгтэй тав, эмэгтэй гурван баг оролцож, олон улсын зэрэглэлтэй есөн шүүгч дэнслэхээр болжээ. Өнөөдөр “Буянт-Ухаа спорт цогцолбор”-т эрэгтэй хоёр тоглолттой. Монголын шигшээ баг энэ өдөр тоглолтгүй байгаа. Өдөр 15:00 цагаас Хонконг – Тайвань, 17:00 цагаас Макао –БНХАУ-ын шигшээ багууд өрсөлдөнө. Тойргоор өрсөлдөх тул тоглолт болгон тун хариуцлагатай байх болно. Маргааш 15:00 цагаас Монголын эмэгтэй баг Хонконгтой, 20:00 цагаас манай эрэгтэй шигшээ Хонконгийн багтай тоглох юм.