Монгол Улсын нийслэл Улаанбаатар хотноо явагдаж буй Зүүн Азийн залуучуудын спортын наадмын гурав дахь өдрийн тэмцээн болж байна. Энэ удаагийн наадамд шинэ төрөл болон орж байгаа “E SPORT”-ын тэмцээн нь Соёлын төв өргөөнд зохион байгуулагдаж байгаа.

        Тэмцээн “VR TENNIS”, “KING OF FIGHTERS15” гэсэн хоёр төрлөөр явагдаж байгаа юм. Өнөөдөр “VR TENNIS” төрлийн хэсгийн шатны тоглолтууд явагдана. Энэ төрөлд манай улсаас Д.Мандах, Ө.Золбаяр нар өрсөлдөнө. Харин” KING OF FIGHTERS 15” төрөлд Б.Мандахнаран, Ж.Батсаруул гэсэн хоёр тамирчин эх орноо төлөөлөх юм.  Зүүн Азийн залуучуудын спортын наадмын “E SPORT” төрөлд Япон, БНХАУ, Тайвань, Хонконгийн баг тамирчид өрсөлдөж байна.