ОХУ-ын чөлөөт бөхийн бэлтгэлийн төв "Сириусе Центр"-т маргааш 500 мянган рублийн шагналтай алдарт Абдулрашид Садулаев, Заурбек Сидаков гэсэн ахлагчтай чөлөөт бөхийн халз барилдаан болно. Тус халз барилдааны хамгийн оргил барилдаан 97 кг-ын жинд олимпын  хоёр, дэлхийн таван удаагийн аварга А.Садулаев,  дэлхийн цомын аварга, Европын аварга, энэ жилийн Оросын аварга, Алихан Жабраиловтой, 74 кг-д "Токио-2020" болон дэлхийн хошой аварга З.Сидаков энэ жилийн Оросын аварга Чермен Валиев нарын хооронд өрнөх юм. Энэхүү халз барилдааны ялагч нь бараг энэ жилийн Белградын ДАШТ-д Оросыг төлөөлж оролцох боломжтой гэнэ.