Монгол Улсад анх удаагаа болж буй спортын наадмын хамгийн чухал зүйлсийн нэг бол амжилт ялалтын батламж болсон “Улаанбаатар 2023” Зүүн Азийн залуучуудын наадмын медаль юм. Спортын наадмын үзэл санаа, агуулгыг тусгасан уг медалийн эх загварыг дархан О.Занабазар гарын ур, ухааны ур, мэлмийн ураа шингээн байж эзэн нь бахархан эдлэх эд хэмээн ихэд хичээн урласан билээ.

        Нэгэн дээвэр дор эвлэлдэн нэгдэх гэсэн утга санааг илэрхийлэхийг зорьсон уг медалийн эх загварыг бүтээхдээ деталь бүрийг зөвхөн гар урлалаар хийсэн нь ямар их үнэ цэнэтэй бүтээл болохыг гэрчилнэ. Дархан хүний бүтээл цаг хугацаа өнгөрөх тусам үнэ цэнэ нь өсөж байдаг шиг “Улаанбаатар 2023” Зүүн Азийн залуучуудын наадмын медаль тус наадмын аваргуудын хамгийн үнэ цэнэтэй медалиудын нэг болж байна