Дорнод аймагт энэ сарын 18-20-ны өдрүүдэд Монгол Улсын Зүүн бүсийн аварга шалгаруулах шатрын тэмцээн болох гэж байна. Тэмцээнд Дорнод, Хэнтий, Сүхбаатар, Өмнөговь, Дорноговь, Говьсүмбэр, Дундговь, Төв аймаг, Багануур, Багахангай дүүргийн 400 гаруй шатарчин оюун ухаанаа уралдуулна.

           Өнгөрсөн жилийн хавраас Дорнод аймгийн шатрын холбоо шинэ бүтэц бүрэлдэхүүнтэйгээр ажиллаж эхэлснээр томоохон амжилтууд гаргаад байна. Тухайлбал, нэг жилийн хугацаанд 11 шатарчин спортын  мастер, дэд мастер цолны болзол хангажээ. Түүнчлэн Дорнодын шатарчид Ази тив, олон улсын тэмцээнүүдээс 30 гаруй медаль хүртээд байна.