Олимпын алт, мөнгө ДАШТ-ий хүрэл медальт, Хөдөлмөрийн баатар, Гавьяат тамирчин Н.Түвшинбаярын амжилтын энэ өдөр дурсахгүй байхын аргагүй. Монгол хүн олимпоос анх удаа алтан медаль хүртэж байсан.

       Тэрбээр  жүдо бөхийн тэмцээний зургаа дахь өдөр эрэгтэйчүүдийн 100 кг-ын жинд Н.Түвшинбаяр эхний барилдаанаа Японы бөх К.Сүзүкитэй хийх байсан юм. Түүний сугалаа хүнд байсан бөгөөд “Афин 2004” олимпын аварга, 2003, 2005 оны дэлхийн аварга цолтой бөхтэй таарсанд хэн ч ялна гэж итгээгүй. Тиймээс "Жүдо бөхийн төрлөөс монголчууд медальгүй буцах нь тодорхой боллоо" гэцгээж байсан юм. Гэтэл  Н.Түвшинбаяр Сүзүкиг цэвэр ялж, улмаар Герман, БНСУ, Азарбайжаны бөхчүүдийг дараалан ялж финалд гарч ирсэн. Дараа нь Казахстаны Асахат Житкиевийг үнэлгээгээр илүүрхэн ялж, олимпын аварга болсон түүхтэй. Бээжингийн олимпоос буудлагын О.Гүндэгмаа мөнгөн медаль хүртэж, боксын төрлөөр Э.Бадар-Ууган олимпийн аварга болж, Сэрдамба мөнгөн медальтай эх орондоо ирсэн. Мөн Паралимпийн наадмаас байт харвааны төрөлд Д.Баатаржав аваргын алтан медалийг хүртсэн амжилттай байлаа.