Жүдо бөхийн насанд хүрэгчдийн цуврал гран при тэмцээн Хорват Улсын Загреб хотод энэ 18-20-ны өдрүүдэд болно. Загребын гран при тэмцээнд дэлхийн 89 орны эрэгтэй 341, эмэгтэй 223, нийт 564 тамирчин барилдах мэдүүлэг өгсөн байна. Харин манай улсаас эрэгтэйчүүдийн 81 кг-ын жинд ОУХМ Гэрэлтуяагийн Болор-Очир, 90 кг-д ОУХМ Гантулгын Алтанбагана, эмэгтэйчүүдийн 63 кг-ын жинд ОУХМ Мөнхцэдэвийн Ичинхорлоо, -78 кг-д ОУХМ Отгонбаярын Хүслэн нар барилдах мэдүүлэг өгсөн байгаа. АНЭУ-ын нэрийн өмнөөс 57 кг-д ОУХМ Батсүхийн Алтанцэцэг барилдана.

Загреб 2023 гран при тэмцээний 60 кг-ын жинд 48 тамирчин, 66 кг-д 53, 73 кг-д 56, 81 кг-д 55, 90 кг-д 56, -100 кг-д 40, +100 кг-д 33 жүдочин барилдах мэдүүлэг өгчээ. Харин эмэгтэйчүүдийн 48 кг-ын жинд 31 тамирчин, 52 кг-д 34, 57 кг-д 38, 63 кг-д 37, 70 кг-д 35, -78 кг-д 23, +78 кг-д 25 жүдочин барилдах мэдүүлгийг одоогоор өгсөн байна. Тэмцээний сугалаа, оноолт хийхээс өмнө тамирчид нэмэгдэх магадлал өндөр байгаа.