“Нийтийн Хөл бөмбөг” төслийн хүрээнд жил бүр уламжлал болгон зохион байгууллагддаг “Үндэсний Цом” 21 аймгийн аварга шалгаруулах тэмцээн анх удаа Дархан хотод болж байна.  Энэ удаагийн тэмцээнд 15 аймгийн шигшээ багийн нийт 300 гаруй тамирчин оролцож байгаа юм.

Тэмцээний нээлт өчигдөр наймдугаар сарын 11-ний өдөр  Дархан-Уул аймагт болж, нээлтийн дараа эхний тоглолт болов.  Тус тоглолтод “Дархан” шигшээ баг, Баян-Өлгий аймгийн шигшээ багийг 2:1 харьцаатайгаар хожлоо.

Дархан шигшээ баг нь 2014, 2017, 2022 онуудад тус тэмцээний аваргын цомыг өргөж байсан билээ. Энэ жил дахин ялалт байгуулж цомоо хадгалж үлдэх зорилготой гэж багийн гишүүд ярьлаа.Талбайн эзэн баг энэ сарын 15-ны оройн 19:30 минутаас Ховд аймгийн шигшээ багтай тоглоно.