Хөвсгөл аймагт болж буй аялал жуулчлалын эвент арга хэмжээний үеэр “Сарлагийн наадам-2023” боллоо. Наадмын эхний өдөр “Сарлаг бугуйлдах”, “Сарлаг булгиулах” тэмцээн болж, 113 залуу малчин оролцон эр чадал, авхаалж самбаагаа сорин өрсөлдөв.

           “Сарлаг бугуйлдах” тэмцээний шалгаруулалтыг гурван үе шатаар зохион байгуулснаас  Хөвсгөл аймгийн Бүрэнтогтох сумын малчин Б.Ган-Эрдэнэ түрүүллээ. Тэмцээний дэд байрт Алаг-Эрдэнэ сумын малчин Г.Баянмөнх, гуравдугаар байрт Бүрэнтогтох сумын малчин Э.Өсөхбаяр орж, мeдаль, мөнгөн шагналаар шагнуулав.