Хэнтий аймгийн 2023 оны аймгийн аварга шалгаруулах адуучин тэмцээн амжилттай болж өндөрлөлөө. Тэмцээний тэргүүн байрт 2014 оны Монгол Улсын “Аварга адуучин” Хишигбаатарын Бат-Эрдэнэ бүх төрөлд төгс, зай өгөлгүй түрүүллээ. Хоёрдугаар байрт Дэлгэрхаан сумын аймгийн “Аварга адуучин” Мөнхгэрэлийн Болдсүх, гуравдугаар байрт Тахилагт тосгоны сумын аваргын хоёрдугаар байрын шагналт Жаргалсайханы Бямбасүх оржээ.

          Харин дөрөвдүгээр байрт Биндэр сумын аймгийн “Аварга адуучин” Цогтбаярын Сумъяа, тавдугаар байрт Мөрөн сумын сумын аваргын хоёрдугаар байрын шагналт Дугарсүрэнгийн Цолмонбаатар, зургадугаар байрт Мөрөн сумын Цэрэнгийн Наранбаатар, долдугаар байрт Жаргалтхаан сумын аймгийн аваргын мөнгөн медальт, Ганзоригийн Ганбаатар нар тус тус шалгарсан байна.