“Apple” компаниас “iPhone 15” шинэ загварын гар утсаа албан ёсоор танилцуулав. Тухайлбал, iPhone 15 гар утас нь iPhone 15 Plus, iPhone 15 Pro, iPhone 15 Pro Max гэсэн нэмэлт загвартай гарч байгаа юм байна.

iPhone 15 болон iPhone 15 Pro загвар нь 6.1 инч, iPhone 15 Plus болон iPhone 15 Pro Max загвар нь 6.7 инчийн дэлгэцтэй. Шинэ загварт цэнэглэгчийн lighting оролтыг өөрчилж, usb-c болгосон бөгөөд 48MP-тэй камертай аж. Мөн шинэ загварууд iOS 17 систем, титан гадаргуутай болж илүү бат бөх болсон гэнэ.

                        “Apple”-ийн “iPhone 15” загварын шинэ гар утас 128GB-1TB хүртэлх багтаамжны сонголттой. Тус гар утасны урьдчилсан захиалга ирэх баасан гарагт эхэлж, энэ сарын 22-ноос худалдаанд гарах юм байна. Үнийн хувьд, iPhone 15 гар утас 799 ам.доллар буюу 2.7 сая төгрөг, iPhone 15 Plus загвар нь 899 ам.доллар буюу 3.1 сая төгрөг, iPhone 15 Pro загвар нь 999 ам.доллар буюу 3.4 сая төгрөг, iPhone 15 Pro Max загвар нь 1199 ам.доллар буюу 4.1 сая төгрөгөөр худалдаалагдах аж.