Ердөө хэдхэн жилийн өмнө нээлтээ хийж байсан жолоочгүй автомашины технологи өдгөө дэлхийн олон оронд нэвтэрчээ. Үүний адилаар бусад техник, тоног, төхөөрөмжийн хөгжлийн хурд ч хэрэглэгчдээ “гүйцэгдэхээ” больж, хиймэл оюун ухаан туслагчтай төхөөрөмжүүд ар араасаа нээлтээ хийхээр зарлагдаад байна. Тэгвэл одоо дэлхийг тэргүүлж, технологийн салбарт шинэчлэлт авчирсан шилдэг техник, төхөөрөмжүүдийг танилцуулъя.

ШИНЭ, ШИЛДЭГ ГАР УТАС – SAMSUNG GALAXY Z FLIP 5

Солонгосын технологийн магнат “Samsung” компаниас Galaxy Z Flip 5 гар утсаа өнгөрсөн сард танилцуулсан. Эхнийх загвар гарснаас хойш нугаларч, дэлгэгддэг үзэмжээрээ хэрэглэгчдийн сонирхлыг татсан Galaxy Z Flip гар утасны тав дахь загвар энэ сарын 11-нд албан ёсоор нээлтээ хийнэ. Galaxy Z Flip 5 гар утас багтаамжаасаа шалтгаалж, 1099-1149 ам.доллар буюу монгол мөнгөөр 3.8-3.9 сая төгрөгийн үнэтэй борлуулагдах бөгөөд өмнөх загваруудаасаа илүү олон функц, тохиргоо нэмэгдсэн уг гар утасны урьдчилсан захиалга идэвхтэй байгаа гэнэ.

Samsung Galaxy Z Fold 5 гар утас нь:

Хэмжээ: 6.7 инч урттай, 6.9 мм зузаан, 182 грамм жинтэй

Хамгаалалт: Дэлгэц зурагдах, доргионы эсрэг хамгаалалттай. IPX8 буюу 1.5 метр гүн усанд 30 минут хүртэл тэсэх дэлхийн анхны усны хамгаалалттай гар утас

Систем: Android 13, One UI 5.1.1 үйлдлийн систем

Чип: Qualcomm SM8550-AC Snapdragon 8 Gen 2

CPU: Octa-core (1x3.36 GHz Cortex-X3 & 2x2.8 GHz Cortex-A715 & 2x2.8 GHz Cortex-A710 & 3x2.0 GHz Cortex-A510)

GPU: Adreno 740

RAM(санах ой): 8GB

Багтаамж: 256GB, 512 GB

Баттерей: LiPro 3700 mAh

Оролт: Биет болон и сим суулгах боломжтой. Мемори оролтгүй

Саяхан нэгэн youtuber Galaxy Z Flip 5 гар утсыг нээлтээ хийгээд удаагүй байгаа Motorola Razr Plus гар утастай харьцуулж, нугалах тест хийжээ. Үр дүнд, Razr Plus гар утас 126 мянган удаа нугалж, Galaxy Z Flip 5 гар утас 267 мянган удаа буюу хоёр дахин их нугалж байж эвдэрсэн гэнэ. Мөн Galaxy Z Flip 5 гар утасны сельфи камер нь 4K HD-гээр 60fps-ээр бичдэг аж.

ЕВРОПЫН ШИЛДЭГ АВТОМАШИН “JEEP AVENGER”

“Jeep” брэндээс энэ жил зах зээлд гаргасан “Avenger” маркийн автомашин энэ жилийн Брюсселийн мото шоуны үеэр Европын шилдэг автомашин шагнал хүртсэн. 100 хувь цахилгаан хөдөлгүүрийг бензин хөдөлгүүртэй хослуулсан “Jeep Avenger” туулах чадварын хувьд жолоочдоос өндөр үнэлгээ авч байгаа бөгөөд худалдаалагдаж байгаа зах зээлээ хамаарч, 35-39 мянган ам.доллар буюу монгол мөнгөөр 121-135 сая төгрөгийн үнэтэй байгаа юм байна.

“Jeep Avenger” маркийн автомашин нь:

Хурд: Цахилгаан хөдөлгүүрээр 248 миль/цаг, бензин хөдөлгүүртэй хослуулбал 342 миль/цаг хүртэл хурдална

Цэнэглэлт: Цахилгаан хөдөлгүүрээ 100 хувь цэнэглэхийн тулд ердөө 18 миль газар явна

Зай: “Avenger” маркийн автомашин нь бусад “Jeep” брэндийн автомашинаас илүү зайтай байх бөгөөд ачааны хэсэг нь 300 литрийн зайтай аж.

ОРЧИН ЦАГИЙН ШИЛДЭГ ЛЭПТОП – APPLE MACBOOK AIR (M2)

“Apple”-ийн Macbook Air лаптоп M2 процессортой шинэ загвараа гаргажээ. Багтаамж, санах ой нь хэрэглэгчдийн сайшаалыг хэдийнэ хүртээд байсан Macbook Air M2 процессортой шинэ загвараа гаргаснаас хойш “Дэлхийн хамгийн шилдэг лаптоп” нэрийг хэрэглэгчдээс хүртэж эхэлсэн гэнэ. M2 процессортой Apple Macbook Air лаптоп санах ой, багтаамжаасаа хамаарч, 1199-1399 ам.доллар буюу монгол мөнгөөр 4.1-4.8 сая төгрөгийн үнэтэй байгаа юм байна.

Apple Macbook Air (M2) лаптоп нь:

Хэмжээ: 16 инч, 1.2 кг жинтэй

Дэлгэц: 13.6 инч IPS display, 2560 x 1664, 60Hz, дэлгэцний мэдрэгч тохиргоогүй

Вебкамер: 1080p

CPU: M2, 8-core

GPU: 10-core

RAM(санах ой): 8GB, 16GB, 24GB

Багтаамж: 256GB, 512GB, 1TB, 2TB

M2 процессортой Macbook Air лаптоп нь “The Verge”-ийн хийсэн судалгаагаар 24 цагийн турш тасралтгүй ачаалахад ямар нэгэн асуудал гараагүй бөгөөд халалт, гацалт байгаагүй гэнэ.

ЯЛАГЧГҮЙ ӨРСӨЛДӨӨН БУЮУ LG G3 OLED EVO, SAMSUNG S95C OLED

Электрон төхөөрөмжүүдийг харьцуулдгаараа алдартай “Digital Trends”-ийнхэн 2023 онд хэрэглэгчдийн саналаар тэргүүлсэн хоёр ТВ-д харьцуулалт хийжээ. LG G3 OLED Evo, Samsung S95C OLED хоёрын дунд болсон “тулаан”-д ялагч тодроогүй бөгөөд тус сайтаас хоёуланг нь шилдэг ТВ-гээр нэрлэсэн байна.

                          LG G3 OLED Evo, Samsung S95C OLED хувь хоёул 65 инчийн дэлгэцтэй бөгөөд дүрсний чанар, дүрс шинэчлэлтийг шинэ түвшинд авчирсан гэнэ. Мөн хоёул видео тоглоом тоглогчдоос өндөр үнэлгээ авсан бөгөөд сүүлийн үеийн өндөр дэлгэцийн нягтаршил, хүчин чадал шаарддаг видео тоглоом ямар нэгэн асуудал, гацалтгүй явдаг аж. Харин LG G3 OLED Evo, Samsung S95C OLED-ийн “Digital Trends”-ийнхнээс муу үнэлгээ авсан зүйл нь дуугаралтын чанар юм байна. Хоёр ТВ-н дуугаралтын туслагчийн ажлын гүйцэтгэл муу, амархан царгидаг гэх муу “дүн” авчээ.

LG G3 OLED EVO

Үнийн хувьд, LG G3 OLED Evo 3200-3300 ам.доллар буюу монгол мөнгөөр 11-11.4 сая төгрөг, Samsung S95C OLED 3300 ам.доллар буюу 11.4 сая төгрөгийн үнэтэй байна.

Samsung 95C OLED