"Хүний амьдрал нэг л өдөр дуусна. Харин үзэл санаа үүрд мөнх оршино."

         Энэ оны хамгийн хүлээлт үүсгээд байсан киноны нэг нь бол “Барби” билээ. Охид бүрийн бага насны хамгийн хайртай тоглоомын нэг байсан барбигийн талаар өгүүлэх олон хүүхэлдэйн кино байдаг билээ. Харин  барби хүүхэлдэйн түүхийг өгүүлэх, анхны адал явдалт бүрэн хэмжээний кино нь 2015 оноос эхлэн яригдаж, энэ онд нээлтээ хийлээ. “Барби” киног Грета Гервигийн найруулж, зохиолыг Гервиг, Ноа Баумбах нар бичжээ. Алдарт барбины дүрд эхлээд жүжигчин, комедиан Эми Шумер, дараа нь Энн Хэтэуэй нар тоглохоор яригдаж байлаа. Гэсэн ч 2018 онд Барбигийн дүрд жүжигчин Марго Робби тоглох нь тодорхой болжээ. Харин барбигын мөнхийн хайр болох Кенийн дүрд дүрд “The Notebook” киногоороо алдаршсан жүжигчин Райан Гослинг тоглосон юм. Энэ сарын 21-нд нээлтээ хийсэн “Барби” кино 377 сая ам.долларын орлого олж түүхэн амжилт тогтоожээ.

Ягаан өнгөний дутагдалд орсон нь

    Барби хүүхэлдэй гэх бүрд бидний толгойд ягаан өнгө бодогддог билээ. Тэгвэл “Барби” бүрэн хэмжээний киног хийх Барби ланд хотыг бүтээхийн тулд хэт их ягаан өнгийн будаг ашигласан тул дэлхий ягаан өнгөний будгийн хомсдолд орсон гэнэ. Жинхэнэ барби ертөнцийг бүтээхийн тулд жижиг самаас эхлээд автомашин, цамхгийг хүртэл барби хүүхэлдэйний түүхтэй уялдуулан бүтээсэн байна.

Бодит ертөнцөд ирсэн барбигийн өнгөлөг хувцас

    Чамин, хээнцэр хувцасгүйгээр барби хүүхэлдэйг төсөөлөхгүй шүү дээ. Тэгвэл “Барби” киноны хувцсыг загвар зохион бүтээгч Жаклин Дюрран 11 долоо хоногийн дотор кинонд хэрэглэсэн бүх хувцсыг урлаж дуусгажээ. Мөн Барби киноны анхны трейлэр дээр барби хүүхэлдэйний анхны даашинзыг өмссөн байсан нь үзэгчдэд эерэг сэтгэгдэл төрүүлсэн юм.

Өөрийн барби стикерийг бүтээх боломж

Барби киноны постер зургийг хүссэнээрээ өөрчилж, өөрийнхөө зургаар бүтээх боломжийг “barbie selfie generator” сайт олгож байна. Мөн тус киноны талаар болон жүжигчдийнх нь талаар Google-ээс хайлт хийхэд тусгай ягаан өнгийг эффект гардаг болжээ.

https://www.barbieselfie.ai/intl/

“Barbie girl”, “barbie world”

Барби хүүхэлдэйн талаарх өгүүлэх хамгийн алдартай дуу бол Aqua хамтлагийн “Barbie girl” билээ. 1997 оны дөрөвдүгээр сард тус хамтлагийн анхны студийн цомог болох Aquarium (1997) -ийн гурав дахь сингл болон гарсан юм. Харин саяхан нээлтээ хийсэн “Барби” кинонд зориулж тус дууны шинэчилсэн хувилбарыг “Barbie world” нэрээр  реппер Ники Минаж, Америкийн реппер Ice Spice нар бүтээжээ.