Токио-Улаанбаатар чиглэлийн тусгай үүргийн онгоц өчигдөр 22:45 цагт “Буянт-Ухаа“ олон улсын нисэх буудалд газардсан. Уг нислэгээр 263 иргэн эх орондоо ирсэн бөгөөд бага насны хүүхэдтэй гэр бүл 30, жирэмсэн долоо, өндөр настан гурав, эрүүл мэндийн шалтгаантай 18, дадлагажих ажилтан 67, бусад шалтгаантай 138 иргэн иржээ.  

Тусгай үүргийн онгоцоор ирсэн эдгээр иргэнийг ХӨСҮТ, ЦТЭ, “Сод Эра” эмнэлэг, “Баянбайгаль” амралт, “Амар” зочид буудалд 21 хоног тусгаарлах юм. Харин Төв аймгийн “Баянбайгаль” амралтын газарт тусгаарлахаар авч явсан иргэдийн автобус замдаа шаварт сууж, хээр хоножээ.

Тус автобусанд 70 гаруй иргэн явсан бөгөөд иргэдийг 06:00 цагийн үед “Амар” зочид буудалд буцаан авчирч, тусгаарласан байна.