• Өнөөдөр 2020-10-21

Орон нутгийн сонгуульд ирцийн босго тавихгүй

Аймаг, нийслэл, сум, дүүргийн ИТХ-ын сонгууль ирэх сарын 15-нд болно. Тус сонгуулиар Улаанбаатар хотын иргэд дүүргийн болон нийслэлийн иргэдийн төлөөлөгчөө, орон нутгийн иргэд аймаг болон сумын иргэдийн төлөөлөгчөө сонгох хариуцлагатай цаг үе ирж буй. Хуулийн дагуу сонгуулийн кампанит ажил ид дундаа өрнөж байна. Орон нутгийн сонгуульд оролцохоор бүртгүүлсэн нам, эвслүүд энэ долоо хоногт нэр дэвшигчдээ зарласан билээ. 2020 оны нийслэлийн ИТХ-ын сонгуульд 13 нам, нэг эвсэл оролцохоор нийслэлийн сонгуулийн хороонд бүртгүүлжээ.  

 Сонгуулийн тухай хуулийн нэмэлт, өөрчлөлтөөр гурван шатны сонгуулийг тусдаа хуулиар явуулахаар хуульчилсан. Иймдээ ч энэ удаагийн орон нутгийн сонгуулийг анх удаа бие даасан, тусдаа хуулиар зохион байгуулах гэж байна.

Аймаг, нийслэл, сум, дүүргийн иргэдийн төлөөлөгчдийн хурлын Сонгуулийн тухай хуульд төрийн албан хаагч, төрийн өмчит байгууллагын удирдлага сонгуульд нэр дэвшихээс зургаан сарын өмнө чөлөөлөгдөх зохицуулалттай байв. Харин хуулийн шинэчлэлээр нэр дэвшигчийг наймдугаар 1-нээс өмнө албан тушаалаасаа чөлөөлөгддөг байхаар зохицуулсан. Мөн энэ удаагийн хуулийн шинэчлэлээр “Царцааны нүүдэл” буюу иргэдийн шилжилт хөдөлгөөнийг түр хязгаарлах зохицуулалт хийсэн. Иргэдийн шилжих хөдөлгөөнийг санал авах өдрөөс 60 хоногийн өмнө зогсоож, дараах өдрөөс сэргээнэ гэж хуульд тусгасны дагуу өнгөрсөн сарын 16-ны өдрөөс шилжилт хөдөлгөөнийг түр зогсоогоод байгаа билээ. Мөн  сонгуулийн сурталчилгааны хугацаа 22 хоног байсныг 15 хоног болгожээ.

Тодруулбал, нэр дэвшигчид улс орон даяар есдүгээр сарын 31-нд нэр дэвшигчийн үнэмлэхээ тухайн орон нутгийн сонгуулийн хорооноос гардан авснаар сурталчилгаагаа эхлүүлэх юм. Энэ жил орон нутгийн сонгуульд ирцийн босго тавихгүй бөгөөд санал хураалтыг санал авах өдрийн 7.00-20.00 цаг хүртэл явуулахаар хуульд тусгажээ. Сүүлийн жилүүдэд орон нутгийн сонгуулийн ирц буурсан гэх судалгаа бий. Тиймээс ирцийн босгыг хязгаарласан байна. Нөгөө талдаа ирц хүрэхгүй, тойргуудад дахин санал хураалт явуулж зардал гаргадаг явдлыг хэмнэх үүднээс ирцийн босго тавиагүйг хууль санаачлагчид онцолж байгаа юм.


Орон нутгийн сонгуульд ирцийн босго тавихгүй
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414
ergelt.mn@gmail.com